Белград-2020: Россия хамаандатын састаабыгар кимнээх киирдилэр?

Ахсынньы 16-18 күннэригэр Сербия – Белград куоратыгар ыытыллар спортивнай тустууга Аан дойду Кубогар биирдиилээн бастыыр иһин күрэхтэһиигэ Россия хамаандатын састааба билиннэ. Хамаанда састаабыгар киирдилэр:

57 кг Заур Угуев (Дагестан) — аан дойду икки төгүллээх чемпиона

61 кг Абасгаджи Магомедов (Дагестан)

65 кг Гаджимурад Рашидов (Дагестан) — аан дойду чемпиона

70 кг Чермен Валиев (Хотугу Осетия)

74 кг Разамбек Жамалов (Дагестан)

79 кг Ахмед Усманов (Дагестан)

86 кг Даурен Куруглиев (Дагестан) — Европа чемпиона

92 кг Алихан Жабраилов (Дагестан) — аан дойду чемпионатын призера

97 кг Абдулрашид Садулаев (Дагестан) — олимпийскай чемпион, аан дойду 4, Европа 5 төгүллээх чемпиона.

125 кг Шамиль Шарипов (Дагестан).

Көрөргүт курдук, сүүмэрдэммит хамаанда сүрүн тренерэ Дзамболат Тедеев састаапка соторутааҕыта Нарофоминскай куоракка ыытыллыбыт Россия чемпионатын кыайыылаахтарын киллэрбит. Арай, ыарахан ыйааһыҥҥа Россия чемпиона осетин Алан Хугаев эрэ суох. Кини оннугар эдэр талааннаах дагестанец Шамиль Шарипов кыттыаҕа. Манна даҕатан эттэххэ, састаапка Дагестан тустууга оскуолатыттан — 9, Хотугу Осетияттан — 1 бөҕөс киирбит.

Магомедов, Валиев, Жамалов, Усманов, Шарипов – маннык, эр дьоҥҥо  улахан таһымнаах күрэхтэһиигэ аан бастаан кытталлар. Ылан көрдөххө, россияннар бары даҕаны күүстээхтэр, бары бастыыр кыахтаахтар.

Петр ПАВЛОВ.   

Добавить комментарий

Ваш адрес email не будет опубликован. Обязательные поля помечены *