Бастыҥ мадьынынан Станислав Ховров ааттанна

Дьокуускай куорат физическэй култуураҕа уонна спорка управлениетын көҕүлээһининэн соторутааҕыта мас-рестлиҥҥэ улахан дьоҥҥо уонна бэтэрээннэргэ үгэскэ кубулуйбут “Көмүс мас” күрэхтэһии дуораана ситэ сүтэ илигинэ, аны уолаттарга Дьокуускай куорат аһаҕас чемпионата ыытылынна.  

Өскөтүн бэҕэһээ 2006-2007 сс. төрөөбүттэр бөлөхтөрүгэр таатталар, мэҥэ хаҥаластар ситиһиилэммит эбит буоллахтарына, бүгүн 2004-2005 сс. төрөөбүт уолаттарга уус алданнар күннээтилэр. Ол курдук, Майаҕатта, Мас Мэхээлэ, Күүстээх Уйбаан удьуордара сэттэ ыйааһынтан – түөрдүгэр кыайыы көтөллөннүлэр.

Бүгүҥҥү күрэхтэһиигэ, судьуйалар быһаарыыларынан бастыҥ мадьынынан 55 киилэҕэ бастаабыт Станислав Ховров ааттанан, киниэхэ сүрүн бириис велосипед туттарылынна.

Киин куораттан Дьокуускай 7 нүөмэрдээх спортивнай оскуолатын мас тардыһааччыларын бэлиэтиэххэ сөп. Кинилэр икки күн түмүгүнэн – үс чемпионнаннылар.

Ыйааһыннарынан кыайыылаахтар уонна иккис-үһүс миэстэлээхтэр:

50 кг 1. Айсен Ефимов (Уус Алдан), 2. Артем Винокуров (ДЮСШ-1), 3. Егор Харитонов (Уус Алдан).

55 кг 1. Станислав Ховров (Уус Алдан), 2. Вячеслав Лебедев (Таатта), 3. Александр Маныкин (Горнай).

60 кг 1. Арсен Жирков (Уус Алдан), 2. Айтал Федотов (Таатта), 3. Эрчимэн Семенов (Бүлүү).

65 кг 1. Иван Степанов (ДЮСШ-7), 2. Мисаил Семенов (Сунтаар), 3. Эдуард Антонов (ДЮСШ-1).

70 кг 1. Игорь Прототопопов (Уус Алдан), 2. Айуран Степанов (Амма), 3. Андрей Щиряев (Нам).

80 кг 1. Айлан Николаев (ДЮСШ-7), 2. Семен Попов (Амма), 3. Максим Спиридонов (Мэҥэ Хаҥалас).

80-тан үөһэ кг 1. Эрчим Кудрин (Амма), 2. Платон Семенов (Бүлүү), 3. Арылхан Сыроватскай (Уус Алдан).

“Дьулурҕан”.

Добавить комментарий

Ваш адрес email не будет опубликован. Обязательные поля помечены *