Бастакы күн түмүгүнэн чурапчылар сэттэ мэтээллээхтэр

Бу күннэргэ «Дохсун» спортивнай комплекска көҥүл тустууга 2004-2005 сс. төрөөбүт уолаттарга Николай Николаевич Тарскай кэриэһигэр республикаҕа биирдиилээн бастыыр иһин күрэхтэһии ыытылла турар.  

Бүгүн алта ыйааһыҥҥа кыайыылаахтар ааттара билиннэ. Ол түмүгүн кылгастык ырытан көрдөххө, чурапчылар, сунтаардар уонна уордар ойуччу ситиһиилэннилэр. Бастакы күн түмүгүнэн чурапчылар (тренердэр Ю.В. Афанасьев, А.Г. Макаров, В.В. Корякин) икки чемпионнаахтар, биэс призердаахтар. Оттон Сунтаардааҕы, Алкивиад Иванов аатынан спортивнай оскуола хамаандата (тренердэр Н.Р. Данилов, А.А. Львов, П.С. Павлов, С.Г. Яковлев) – икки уоллара бастаата, биир уоллара иккистээтэ. Олимпийскай чемпион Р.М. Дмитриев аатынан Олимпийскай эрэллэри бэлэмниир училище хамаандата (тренердэр В.П. Уваров, И.Н. Сивцев, О.В. Михайлов) эмиэ икки чемпионнаах, биир призердаах.

Аны сарсын 45, 51, 60, 71, 92 кг ыйааһыннарга күүстээхтэр быһаарыллыахтара. Күрэхтэһии күнүс 11:00 чаастан саҕаланар.

Бастакы күн түмүгэ:  

42 кг (20 кыттааччы): 1. Виктор Иванов – Сунтаар, 2. Юрий Винокуров – Дьокуускай, 3. Айсен Иванов – Чурапчы, Алексей Самсонов – Бүлүү.

48 кг (31): 1. Юрий Винокуров, 2. Айсен Кириллин – иккиэн сунтаардар, 3. Алексей Яковлев, Артур Дьяковскай – иккиэн чурапчылар.

55 кг (42): 1. Артем Слепцов – Чурапчы, 2. Николай Охлопков – ОЭУ, 3. Петр Гуляев – Орто Халыма, Эдуард Попов – Чурапчы.

65 кг (19): 1. Иннокентий Бабаранов – ОЭУ, 2. Вячеслав Слепцов – Нам, 3. Александр Кузнецов – Бүлүү, Андрей Румянцев – Уус Алдан.

80 кг (12): 1. Ян Егоров – Чурапчы, 2. Семен Ксенофонтов – Үөһээ Бүлүү, 3. Саян Никитин – Мэҥэ Хаҥалас, Вадим Чеботарь – Чурапчы.

110 кг (9): 1. Ньургун Чукров – ОЭУ, 2. Тит Федоров – Үөһээ Бүлүү, 3. Ньургун Багынанов – Дьокуускай, Максим Алексеев – Бүлүү.

«Дьулурҕан».   

 

Добавить комментарий

Ваш адрес email не будет опубликован. Обязательные поля помечены *