Ат спорда: Ил Дархан бирииһин ким ылыай?

Бэс ыйын 12 күнүгэр – Россия күнүгэр Үс Хатыҥ ипподромугар Ил Дархан бирииһигэр кыттыахтаах бастыҥнары сүүмэрдиир сүүрдүүлэр ыытылыннылар.

Ол курдук, 2400 м дистанцияҕа барыта уон алта ат – үс сүүрдүүгэ араарыллан кытыннылар. Онуоха бэйэлэрин түһүмэхтэригэр кыайыылаахтарынан буоллулар: Шторм Барс (2.54,10), Магриб (3.00,8), Ютон Барс (2.57,4).

Онон, бэс ыйын 28 күнүгэр бэнидиэнньиккэ эмиэ Үс Хатыҥҥа ыытыллыахтаах Ил Дархан быйылгы бирииһигэр быһаарыылаах сүүрдүүгэ былырыыҥҥы кыайыылаах Брокер Барсы (Мэҥэ Хаҥалас) кытта сүүрэр буоллулар:

Шторм Барс (Нам)

Блек Джет (Мэҥэ Хаҥалас)

Ютон Барс (Чурапчы)

Мэйзи Кинг (Амма)

Магриб (Мэҥэ Хаҥалас)

Майн Кениг (Чурапчы)

Квит (Үөһээ Бүлүү)

Свидетель Барс (Амма)

Конкистадор (Сунтаар).

Санатан эттэххэ, Ил Дархан бирииһин тэҥэ бу күн Дерби бирииһигэр улахан суумаҕа быһаарыылаах сүүрдүүлэр буолуохтара.

Сүүрдүүнү “Саха” национальнай көрдөрөр-иһитиннэрэр компания телевиденинэн быһа көрдөрүөҕэ.

«Дьулурҕан».

Евгения Габышева хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *