Арыйаан Тютрин 18-сыс мэтээли аҕалла!

Биир дойдулаахтарбыт көҥүл тустууга аан дойду чемпионатыттан бу күҥҥэ диэри барыта 18 мэтээли ылары ситистилэр. Кинилэр кимнээхтэрин өссө төгүл ахтан-санаан ааһыахха эрэ.
Чемпионнар: Роман Дмитриев (1973), Павел Пинигин (1975, 1977, 1978), Герман Контоев (2001), Виктор Лебедев (2010, 2011).
Үрүҥ көмүс призёр: Роман Дмитриев (1969).
Боруонса призёрдар: Роман Дмитриев (1970, 1974), Василий Гоголев (1985), Петр Юмшанов (1994), Александр Контоев (2001), Виктор Лебедев (2009, 2015), Леонид Спиридонов (2009), Владислав Андреев (2014), Арыйаан Тютрин (2021).
Соторутааҕыта Ослоҕа (Норвегия) ыытыллан түмүктэммит көҥүл тустууга аан дойду чемпионатыттан норуоттар икки ардыларынааҕы кылаастаах спорт маастара Арыйаан Тютрин сахалартан 18-с мэтээли аҕалла.
Кини бастакы тренерэ – Уус Алданнааҕы спортивнай оскуола Суоттутааҕы филиалын тренерэ, ССРС спордун маастара Семен Гаврильевич Петухов, оттон билигин Саха Республикатын үтүөлээх тренерэ Иван Иванович Дмитриев салалтатынан дьарыктанар. Эҕэрдэлиибит уонна өссө үрдүк ситиһиилэри баҕарабыт!
Петр Павлов.
Тимофей Габышев фотомонтаһа.

Добавить комментарий

Ваш адрес email не будет опубликован. Обязательные поля помечены *