Артур Константинов 60 сааһын туолла

Бүгүн, балаҕан ыйын 12 күнүгэр биллиилээх бөҕөс, ССРС спордун норуоттар икки ардыларынааҕы кылаастаах маастара Артур Константинович Константинов лоп курдук 60 сааһын туолла. Эҕэрдэлиэҕиҥ! Киниэхэ кытаанах доруобуйаны, айымньылаах үлэни, дьиэ кэргэнигэр нус-хас олоҕу баҕарыаҕыҥ!

Артур Константинович Амма оройуонугар, Амма сэлиэнньэтигэр төрөөбүтэ. Билигин Р.М. Дмитриев аатынан Олимпийскай эрэл училищетын тренеринэн үлэлиир.

Тустууга бастыҥ көрдөрүүлэрэ:

ССРС чемпионатын боруонса призера (Дьокуускай, 1985), Доҕордуу аармыйалар спортивнай кулууптарын спартакиадатын (СКДА) кыайыылааҕа (1986), Доҕордуу аармыйалар спортивнай кулууптарын күрэхтэһиитин икки төгүллээх кыайыылааҕа (1987, 1988), Дан Колов аатынан норуоттар икки ардыларынааҕы турнир кыайыылааҕа (1988), Украинскай ССР икки төгүллээх чемпиона (1985, 1988), ССРС эдэрдэргэ түһүлгэтин боруонса призера (1976).

 

https://youtu.be/cgbGKsIF9sE

Добавить комментарий

Ваш адрес email не будет опубликован. Обязательные поля помечены *