Арсен Петров кэриэһигэр буокса: Петр Егоров – финалга!

Бу күннэргэ Дьокуускайга, “Дохсун” успуорт уораҕайыгар РСФСР үтүөлээх тириэньэрэ Арсен Петров кэриэһигэр Саха сирин буоксаҕа чөмпүйэнээтэ ыытылла турар. Чөмпүйэнээт үһүс күнүгэр бырагыраама быһыытынан уон икки киирсии ыытылынна.

Чөмпүйэнээт кэмигэр Саха Өрөспүүбүлүкэтин буоксаҕа сүүмэрдэммит хамаандатын кылаабынай тириэньэрэ – РФ уонна СӨ үтүөлээх тириэньэрэ Артур Иннокентьевич Пахомовы 65 сааһын туолбутунан эҕэрдэлээһин буолла. Кинини Саха сирин физическэй култуураҕа уонна успуорка миниистирэ Иннокентий Григорьев, өрөспүүбүлүкэ буоксаҕа федерацията уонна биир санаалаахтара бу кэрэ бэлиэ түгэнинэн эҕэрдэлээтилэр. Биллэрин курдук, Артур Иннокентьевич Арассыыйа успуордун икки үтүөлээх маастарын, норуоттар икки ардыларынааҕы кылаастаах алта маастары уонна сүүрбэччэ успуорт маастарын иитэн, такайан таһаарбыт биһиги киэн туттар үтүөлээх тириэньэрбит буолар. Эҕэрдэ, Артур Иннокентьевич! Эйиэхэ олоххор уонна үлэҕэр ситиһиилэри баҕарабыт.

Бүгүҥҥү киирсиилэр. Кыайыылаахтар инники суруллаллар:
49 кг

Вешников Иван (Дьокуускай) – Михайлов Мичил (ОЭУ-Мэҥэ Хаҥалас) 5:0
Прокопьев Михаил (Томпо) – Максимов Ян (Сунтаар) 5:0.

56 кг

Степанов Айаал (ХИФУ-Уус Алдан) – Матвеев Степан (Намс-НПБ) 1 р. быһа кыайыы
Парников Михаил (ЧГИФКиС-Нам) – Сергучев Ким (Дьокуускай) 5:0.

60 кг

Варламов Михаил (ЦСП-Сунтаар) – Миронов Артем (Таатта) ОТК 2 р.
Скрыбыкин Михаил (ОЭУ-Мэҥэ Хаҥалас) – Максимов Алексей (ХИФУ-Булуҥ).

69 кг

Малгин Никита (ЦСП-Дьокуускай) – Дмитриев Александр (Мэҥэ Хаҥалас)
Филиппов Виталий (Ньурба) – Ксенофонтов Айаан (ОЭУ-Бүлүү).

75 кг
Никифоров Игорь (Булуҥ) – Колесов Владимир (Мэҥэ Хаҥалас) 5:0
Обутов Роман (ЦСП-Таатта) – Григорьев Иннокентий (ХИФУ-Дьокуускай) 5:0.

+91 кг
Егоров Петр (Мэҥэ Хаҥалас) – Ляпин Александр (Дьокуускай) 2 р. дискв.
Попов Максим (Ньурба) – Леденев Леонид (Нерюнгри) 5:0.

Сарсын финаллар күнүс 12:00 чаастан саҕаланаллар. Киирии – босхо.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *