Армия киин спортивнай кулууба – Шойгу Кубогын кыайыылааҕа!

Тыва Республикатын киин куоратыгар – Кызылга бүгүн, Россия Оборонаҕа миниистирин Кубогар спортивнай тустууга күрэхтэһии ыытыллан түмүктэннэ.

Манна олимпийскай ыйааһыннарга көҥүл уонна гректии-римнии тустуулар кыттыылаахтарыттан түмүллүбүт аҕыс хамаанда (41-с общевойсковой армия, Киин байыаннай уокурук, Хотугу флот, Армия киин спортивнай кулууба, Арҕааҥҥы байыаннай уокурук, Илиҥҥи байыаннай уокурук, Соҕурууҥҥу байыаннай уокурук, Салгын десантнай войската) күрэс былдьаста. Хас биирдии хамаанда тоҕустуу кыттааччылаах: түөртүү көҥүл тустууга,биэстии гректии-римнии тустууга.

Финалга Армия киин спортивнай кулууба уонна 41-с общевойсковой армия хамаандалара көрсүүлэригэр, кыайыыны 6:3 ахсаанынан Армия киин спортивнай кулуубун бөҕөстөрө ситистилэр.

Көҥүл тустуу:

57 кг Тускаев Азамат — Хуреш-оол Дондук-оол 6:4

65 кг Инар Кетия — Начын Куулар 0:10

74 кг Заурбек Сидаков — Тимур Бижоев 2:2 (+ -)

97 кг Асланбек Сотиев — Эрик Джиоев 6:4

Гректии-римнии тустуу:

67 кг Киянкин — Валитов 7:0

77 кг Лабазанов — Степанов 0:2

87 кг Оздоев — Малинкаев 10:0

97 кг Мельников — Головин 1:1 (- +)

130 кг Гедехаури — Щур 1:1 (+ -).

Онон түмүккэ Армия киин спортивнай кулууба бастаата, 41-с общевойсковой армия хамаандата иккис уонна Салгын десантнай войската үһүс бириистээх миэстэлэри ыллылар.

  1. Армия киин спортивнай кулууба (Заурбек Сидаков, Асланбек Сотиев, Никита Мельников, Чингиз Лабазанов).

2. 41-с общевойсковой армия (Начын Куулар, Тимур Бижоев, Сергей Степанов, Виталий Щур).

3. Салгын десантнай войската (Ай-Белек Монгуш, Ибрагим Ильясов, Дамил Татуру, Мурадин Кушхов).

Күрэхтэһиини үөрүүлээхтик түмүктээһиҥҥэ Тыва Республикатын баһылыга Шолбан Кара-Оол биһиги биир дойдулаахпыт, Россия спортивнай тустууга федерациятын эппиэттээх тренерэ, соторутааҕыта 50 сааһын туолбут Петр Юмшановка “Тыва Республикатын физическэй култуураҕа уонна спорка үтүөлээх үлэһитэ” бочуоттаах бэлиэни туттарда. Петр Петровиһы эҕэрдэлиибит!

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *