Андрей Яковлев бөҕөстөрү көбүөргэ ыҥырар


Ахсынньы 15 күнүгэр субуотаҕа “Дохсун” футболлуур комплексыгар Аан дойду Кубогын кыайыылааҕа, ССРС спордун маастара Андрей Яковлев бирииһигэр көҥүл тустууга аһаҕас республикатааҕы турнир тэриллэр.

Күрэхтэһии, Андрей Яковлев бэйэтэ туста сылдьыбыт ыйааһыннарыгар – 61, 65, 70, 74 киилэлэргэ эр дьон ортотугар ыытыллар. Көҥүл тустуу кэнниттэн хапсаҕайга Муҥутуур кыайыылааҕы быһаарар түһүлгэ буолара былааннанар.

Күрэхтэһии бырагыраамата:

08:00-09:00 – Кыттааччылар ыйааһыннаныылара уонна сэрэбиэй.

11:00-13:00 – Барыллааһын хапсыһыылар.

13:00-14:00 – Күнүскү аһылыкка тохтобул.

14:00-14:30 – Күрэхтэһиини үөрүүлээхтик аһыы.

14:30-16:00 – Барыллааһын хапсыһыылар.

16:00-17:00 – Финалга тахсар иһин киирсиилэр уонна финаллар.

17:00-18:00 – Хапсаҕай түһүлгэтэ.

18:00-19:00 – Кыайыылаахтары наҕараадалааһын.

Күрэхтэһиини Уус Алдан улууһун дьаһалтата уонна Саха Республикатын спортивнай тустууга федерацията көҕүлээн, салайан ыыталлар.

Тэрийэр хамыыһыйа.

Добавить комментарий

Ваш адрес email не будет опубликован.