Андрей Захаров бастаата, Платон Саввинов үһүс буолла

Бэҕэһээ, атырдьах ыйын 22 күнүгэр Россия былааҕын күнүнэн сибээстээн Дьокуускай куорат физическэй култуураҕа уонна спорка управлениетын (начаалынньык К.С. Бурцев) тэрийиитинэн сахалыы остуол оонньууларыгар – хабылыкка уонна хаамыскаҕа онлайн күрэхтэһии буолан ааста.

Күрэхтэһии үрдүк тэрээһиннээхтик ыытылынна диэххэ сөп. Син эмиэ быһаччы ыытыллар күрэхтэһии курдук, күрэхтэһии иннинээҕи күнтэн саҕалаан судьуйалары кытта сүбэ мунньах, кыттааччылары бэлиэтээһин, сэрэбиэйи таһаарыы, боротокуол толоруу…

Онтон сарсыныгар күрэхтэһиини үөрүүлээхтик аһыы, регламены билиһиннэрии, дьэ ол кэнниттэн күрэхтэһии уонна күрэхтэһии түмүгүн таһаарыы буоллулар. Барыта балаһыанньа быһыытынан. Арай, онлайн күрэхтэһии буолан, кыттааччылар бэйэлэрин оонньууларын видеоҕа устан ыыттылар.

Бастакы бөлөххө 18 саастарыгар диэри спортсменнар кыттыыны ыллылар. Судьуйанан Р.Я. Кармалах үлэлээтэ. Оттон иккис бөлөххө улахан дьон күрэхтэһиилэрин судьуйа Уо.С. Оконешников сууттаата. Ити курдук саастаахтар бөлөхтөрүн судьуйалар М.И. Иванова уонна В.Р. Кетехов сүрүннээтилэр.

Күрэхтэһии түмүк көрдөрүүтэ:

Бастакы бөлөххө: (кыргыттарга) 1. Айыына Ермолаева, 2. Кристина Прохорова, 3. Юлия Ильина, (уолаттарга) 1. Богдан Журавлев, 2. Марат Ляшеев, 3. Ярослав Ушницкай.

Иккис бөлөххө (дьахталларга) 1. Мария Иванова, 2. Ньургуйаана Данилова, 3. Ангелина Аринкина, (эр дьоҥҥо) 1. Андрей Захаров, 2. Алексей Тимофеев, 3. Платон Саввинов.

Үһүс бөлөххө (дьахталларга) 1. Капиталина Алексеева, 2. Клара Дегтярева, 3. Мария Некрасова, (эр дьоҥҥо) 1. Дмитрий Иванов, 2. Валерий Кириллин, 3. Иван Андреев.

Төрдүс бөлөххө, ОВЗ (дьахталларга) 1. Наталья Никифорова, 2. Русанда Матвеева, 3. Альбина Аммосова, (эр дьоҥҥо) 1. Виктор Новгородов, 2. Владимир Кетехов, 3. Чингис Мотхонов.

Хапсаҕай маастардара Андрей Захаров уонна Платон Саввинов кырдьык да хапсаҕай, чаҕылханныы түргэн туттунуулаахтарын көрдөрөн, спорт бу да көрүҥэр күүстээхтэрин, кыахтаахтарын итэҕэттилэр.

Кыайыылаахтар уонна бириистээх миэстэҕэ тиксибиттэр грамотанан уонна мэтээллэринэн наҕараадаланнылар.

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *