Алдаҥҥа, хайыһар сезона саҕаланна!

Бүгүн, алтынньы 26 күнүгэр Алдан куораттааҕы Спорка бэлэмнэнии киинигэр дьахталлар уонна эр дьон ортолоругар хайыһар спордугар Бүтүн Россиятааҕы IV күрэхтэһии үөрүүлээх аһыллыыта буолла.

Күрэхтэһиигэ – Москва куорат, Амур, Сахалин, Тверь уобаластарын, Приморскай уонна Хабаровскай кыраайдар итиэннэ Казахстан сүүмэрдэммит хамаандатын тэҥэ биллэн турар, хайыһар суолун хаһаайыттара – Саха сирин бастыҥ спортсменнара кыттыыны ылыахтара.

Хайыһар суолугар барыта 78 кыттааччы тахсан, илин-кэлин түсүһүө. Сарсын хайыһардьыттар көҥүл ньыманан сүүрүүгэ күрэхтэһиэхтэрэ. Эр дьон – 10, оттон дьахталлар – 5 километрга сүүрүөхтэрэ. Күрэхтэһии олохтоох бириэмэнэн күнүс 11:00 чаастан саҕаланар.

Санатан эттэххэ, Алданнааҕы хайыһар күрэхтэһиитэ Саха сиригэр эрэ буолбакка, Россияны ааһан, аан дойдуга спорт бу көрүҥэр күрэхтэһии сезонун бастакынан арыйар!

Прасковья ПАВЛОВА,

Алданнааҕы Олимпийскай эрэллэргэ оҕо спортивнай оскуолатын специалиһа.

Добавить комментарий

Ваш адрес email не будет опубликован. Обязательные поля помечены *