“Аланнар”: Ханнык регион төһө мэтээллэннэ?

Дьэ, өр кэтэспит “Аланнар” күрэхтэһиибит түмүктэннэ. Хомойуох иһин, биһиги бөҕөстөрбүт мэтээлгэ тиксибэтилэр. Бу күрэхтэһии – инникигэ улахан эппиэттээх, сүүмэрдиир сыаллаах, көннөрү күрэхтэһии буолбатах. Түһүлгэҕэ 12 дойду 210 бөҕөһө тахсан күөн көрүстэ.

Турнир балаһыанньатын быһыытынан, кыайыылаахтар: А.Магомедов, Р.Ферзалиев, М.Сайдулаев, Д.Баев, Т.Бижоев, Г.Набиев, В.Валиев, А.Уришев уонна В.Байцаев – Иван Ярыгин аатынан рейтиннээх Гран-при турнирга кыттар быраабы ыллылар. Оттон ыарахан ыйааһыҥҥа Красноярскайга ким кыттарын тренерскэй састаап быһаарыа диэн буолла. «Аланнар» турнир хаамыытын dzulurgan.ru сайтка сиһилии сырдата сатаатыбыт. Ону киирэн ааҕыаххытын сөп.

Аны хамаандалар тохсунньу ортотугар Д.Г. Миндиашвили аатынан Тустуу академиятын бирииһигэр турнирга көрсөн, ыйааһын аайы хаалбыт биирдии путевканы былдьаһыахтара. Маннык систиэмэ тустууга киирбитэ иккис сыла. Онон улаханнык соһуйбута-өмүрбүтэ буолумаҥ. Санатан эттэххэ, быйылгы Иван Ярыгин турнирыгар Саха сирин хамаандатыттан биир да бөҕөс кыттыбатаҕа.

Буолан ааспыт күрэхтэһиигэ Дагестан – 3 кыһыл көмүс, 5 үрүҥ көмүс, 7 боруонса мэтээллэннэ. Оттон көбүөр хаһаайыттара – осетиннар 3 кыһыл көмүс, 1 үрүҥ көмүс, 6 боруонса мэтээли ыланнар, эрдэ туруоруммут былааннарын толордулар. Кабардино-Балкария 2 кыһыл көмүстээх, оттон Чечня – 1. Ыалларбыт буряттар – 2 боруонсалаахтар. Тувиннар 1 үрүҥ көмүс, 1 боруонса мэтээллэннилэр. Оттон биһиги, сахалар? Хомойуох иһин, атыттар эрэ мэтээллэрин ааҕарга тиийэбит. Ханныгын да иһин, бүгүҥҥү күҥҥэ баар-суох тустууктарбыт бары кыттыбыттарын үрдүнэн.

Балаһыанньа ыарахан, саха тустуутугар суһал дьаһаллар эрэйиллэллэр. Бу иннинэ суруйбутум курдук, “Аланнар” турнирга СР спортивнай тустууга бастакы вице-президенинэн талыллыбыт аан дойду икки төгүллээх чемпиона, Ил Түмэн депутата Виктор Лебедев бэйэтинэн тиийэн көрдө-иһиттэ, онон уталытыллыбат дьаһаллары ыларын күүтэбит. Биир тылынан, туһааннаах тэрилтэлэр, салайааччылар, чуолаан СР Спорка министиэристибэтэ, СР спортивнай тустууга федерацията уонна бу кэмҥэ диэри тустууну сүрүннээн кэлбит Үрдүкү спортивнай маастарыстыба оскуолата түмүк оҥороллоро уонна дьоҥҥо-сэргэҕэ, уопсастыбаҕа иһитиннэрэллэрэ эрэйиллэр.

Түһүлгэ түмүк көрдөрүүтэ:

57 кг: 1. Абасгаджи Магомедов (Россия, Дагестан), 2. Хуреш Дондук-Оол (Россия, Тыва), 3. Рамиз Гамзатов, 3. Ибрагим Абдурахманов (иккиэн – Россия, Дагестан).

61 кг: 1. Рамазан Ферзалиев (Россия, Дагестан), 2. Бека Ломтадзе (Грузия), 3. Александр Богомоев, 3. Юлиан Гергенов (иккиэн – Россия, Бурятия).

65 кг: 1. Муслим Сайдулаев (Россия, Чечня), 2. Курбан Шираев (Россия, Дагестан), 3. Алан Гогаев (Россия, Хотугу Осетия), 3. Начын Куулар (Россия, Тыва).

70 кг: 1. Давид Баев (Россия, Хотугу Осетия), 2. Магомед Курбаналиев, 3. Разамбек Жамалов (иккиэн – Россия, Дагестан), 3. Джеймс Грин (АХШ).

74 кг: 1. Тимур Бижоев (Россия, КБР), 2. Автандил Кенчадзе (Грузия), 3. Кахабер Хубежты (Россия, Хотугу Осетия), 3. Ахмед Усманов (Россия, Дагестан).

79 кг: 1. Гаджи Набиев (Россия, Дагестан), 2. Ацамаз Санакоев, 3. Алан Засеев (иккиэн – Россия, Хотугу Осетия), 3. Халил Аминов (Россия, Дагестан).

86 кг: 1. Владислав Валиев (Россия, Хотугу Осетия), 2. Магомедшариф Биякаев (Россия, Дагестан), 3. Сослан Кцоев, 3. Славик Наниев (иккиэн – Россия, Хотугу Осетия).

92 кг: 1. Анзор Уришев (Россия, КБР), 2. Магомед Курбанов, 3. Алихан Жабраилов (иккиэн – Россия, Дагестан), 3. Шариф Шарифов (Азербайджан).

97 кг: 1. Владислав Байцаев (Россия, Хотугу Осетия), 2. Шамиль Мусаев, 3. Зайнула Курбанов (иккиэн – Россия, Дагестан), 3. Игорь Овсянников (Россия, Красноярскай).

125 кг: 1. Гено Петриашвили (Грузия), 2. Джабер Садехзаде (Иран), 3. Виталий Голоев (Россия, Хотугу Осетия), 3. Мухамагази Магомедов (Россия. Красноярскай).

Саха бөҕөстөрүн тустуулара:

70 кг Тимур Николаев – Дадаев (Дагестан) 4:3

57 кг Арыйан Тютрин – Гаирбеков (Дагестан) 12:8

57 кг Петр Копылов – Гуважаков (Дагестан) 0:4

61 кг Петр Павлов – Бадрудинов (Дагестан) 10:7

61 кг Эдуард Григорьев – Александр Богомоев (Бурятия) 1:3

65 кг Ньургун Скрябин – Заур Токаев (Хотугу Осетия) 3:4

65 кг Виктор Рассадин – Али (Бахрейн) 10:0

65 кг Дьулустан Булатов – Абдулла Ахмедов (Дагестан) 2:6

70 кг Тимур Николаев – Дышеков (Хотугу Осетия) 2:3

57 кг Арыйан Тютрин – Муслим Садулаев (Чечня) 9:13

61 кг Ньургун Александров – Бека Ломтадзе (Грузия) 1:4

61 кг Петр Павлов – Александр Богомоев 0:3

65 кг Виктор Рассадин – Курбан Шираев (Дагестан) ыраастык хотторуу.

61 кг Ньургун Александров – Магомедрасул Идрисов (Дагестан) 1:5

65 кг Виктор Рассадин – Середа (Беларусь) 8:5

65 кг Виктор Рассадин – Начын Куулар (Тыва) 1:4.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *