Айаал Лазарев Москва турнирыгар кыттыаҕа

Сэтинньи 7-8 күннэригэр Москваҕа көҥүл уонна гректии-римнии тустууларга норуоттар икки ардыларынааҕы турнир ыытыллар. Турнирга тоҕус дойду бөҕөстөрө кытталлар: Россия, Турция, Кыргызстан, Румыния, Македония, Аргентина, Узбекистан, Азербайджан, Бахрейн.

Күрэхтэһии бу сырыыга хамаанданан буолбакка, биирдиилээн бастыыр иһин ыытыллар. Көҥүл тустууга Россия хамаандатын састаабыгар киирдилэр: Муслим Садулаев (57 кг), Начын Куулар (65 кг), Тимур Бижоев, Исраил Касумов (74 кг), Магомед Рамазанов (86 кг), Асланбек Сотиев (97 кг), Шамиль Шарипов (125 кг).

Оттон омук хамаандаларыттан Европа уонна аан дойду чемпионаттарын призёрдара Якуп Гор (Турция, 74 кг), Джамалудин Магомедов (125 кг, Азербайджан), Азия экс-чемпиона Рашид Курбанов (74, Узбекистан),  эдэрдэргэ аан дойду чемпиона Хаджимурад Гаджиев (Азербайджан), аан дойду чемпионатын призера Магомедгаджи Нуров (97 кг, Македония), Азия чемпиона Арсалан Будажапов (74 кг, Кыргызстан), биһиги биир дойдулаахпыт, Азия экс-чемпиона Айаал Лазарев (125 кг, Кыргызстан) уонна да атыттар кытталлара күүтүллэр.

Билэргит курдук, Айаал Лазарев хас да сыллаах тохтобул кэнниттэн быйыл сыл саҥатыгар Кыргызстан чемпионатыгар бастаабыта уонна Индияҕа ыытыллыбыт Азия чемпионатыгар кыттыбыта.

Сайыҥҥы өттүгэр кини тренерэ – Россия уонна Саха сирин үтүөлээх тренерэ Иван Николаевич Сивцевтиин анал эрчиллиини барбыттара. Оттон күһүҥҥү өттүгэр Айаал Хотугу Осетияҕа тиийэн дьарыктанна. Уолбутугар ситиһиини баҕарабыт!

Программа турнира (время московская)

Вольная и греко-римская борьба. «Гран-при Москвы-2020»

7 ноября, суббота.

8:00 — Медицинский контроль и взвешивание.

13:00 — Первая сессия соревнований (вольная и греко-римская борьба)

15:00 — Первая сессия соревнований по пляжной борьбе

16:00 — Церемония открытия

16:30 — Продолжение первой сессии соревнований (вольная и греко-римская борьба).

8 ноября, воскресенье.

13:00 — Взвешивание

15:00 — Матчевые встречи за бронзу и золото (вольная и греко-римская борьба)

17:00 — Церемония закрытия.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *